Sənubər İsgəndərli

Doğum günü:

25 oktyabr, 1960

Yaş:

56

Kinotap-da filmlər:

1

İsgəndərli Sənubər Sabir qızı — Azərbaycan Respublikasının Əməkdar artisti. Prezident təqaüdçüsü.

Həyatı 

Sənubər İsgəndərli 25 oktyabr 1960-cı ildə Bakı şəhərində anadan olub. 1990-cı ildə M.A.Əliyev adına Azərbaycan Dövlət İncəsənət İnstitutunun mədəni-maarif fakültəsini bitirib.
Sənubər İsgəndərova 1989-cu ildə Dövlət Gənclər Teatrının truppasına daxil olaraq Həlimə xanım ("Qətl günü" Y. Səmədoğlu), Tamara ("Dadaşbala əməliyyatı" R. Əlizadə), Leyli ("Leyli və Məcnun" M. Füzuli), Fərizə ("Şəhidlər" R. Səməndər), Bahar ("Kimdir müqəssir" Ə.Haqverdiyev), Tomris ("Yeddi məhbusə" Ə. Əmirli), Müğəni qız ("Laləli düzən" R. Əlizadə), Qonaq ("Qurbanəli bəy" C. Məmmədquluzadə) və s. rollarını oynayıb.
1997-ci ildən Azərbaycan Akademik Milli Dram Teatrında çalışan aktrisa teatrın səhnəsində Siyan Şi ("Özümüzü kəsən qılınc" B.Vahabzadə), İcraçı ("Şah Edip" Sofokl), Burla Xatun ("Burla xatun" N.Xəzri), Nisə xanım ("Lənkəran xanının vəziri" M.F.Axundov), Ulduz ("Ulduz, yaxud Ədirnə fəthi" C.Cabbarlı), Aysel ("Cəzasız günah" B.Vahabzadə), Gertruda ("Hamlet" V.Şekspir), Firəngiz və Fransuaza ("Brüsseldən məktublar" H.Həsənov), Sərvinaz bəyim ("Ölüləri qəbristanlıqda basdırın" İ.Şıxlı), falçı ("Mesenat" Ə.Əmirli) rollarını oynayıb.
Sənubər İsgəndərova "Şöhrət və ya unudulan adam" (Qadın), "Qurbanəli bəy" (Xanım), "Yaşıl eynəkli adam" (Jalə), "Şirin çay"(Aktrisa),"Bəyaz gecələr" (Nastya), "Qu quşunun məhəbbəti" (Gülər) teletamaşalarına və "Kişi sözü" (Solmaz), "Şahid qız" (Rəna), "Fəryad" (İsmayılın arvadı), "Təsədüfi görüş" (Tamara xanım), "Leyli və Məcnun"( Leylinin anası) filmlərinə çəkilib.
2002-ci ildə Azərbaycan Respublikasının Əməkdar Artisti fəxri adına layiq görülmüşdür. 9 may 2012-ci ildə Prezident Mükafatına layiq görülmüşdür.
Hazırda Xəzər TV-də yayımlanan "Qayınana" serialında Afət xanım rolunu (baş rolu) canlandırır.

Filmoqrafiya 

Beşmərtəbəli evin altıncı mərtəbəsi (film, 1996)
Bir dəfə Qafqazda (film, 2007)
Cavid ömrü (film, 2007)
Əlvida, cənub şəhəri (film, 2006)
Fatehlərin divanı (film, 1997)
Fəryad (film, 1993)
Hökmdarın taleyi (film, 2008)
Kişi sözü (film, 1987)
Nigarançılıq (film, 1998)
Salur Qazanın evi talandığı boy (film, 2001)
Şahid qız (film, 1990)
Şeirin xəzrisi (film, 2000)
Təsadüfi görüş (film, 1999)
Unudulan adam (film, 1987)
Yaşıl eynəkli adam-2 (film, 1999)
Yaşıl eynəkli adam-3 (film, 2002) – Jalə
Qayınana (film, 2011) – Afət

Vəzifə Aktyor